សាលា ប៊ែលធី អន្តរជាតិ បានប្រារព្ធពិធីប្រគល់វិញ្ញាបនបត្របឋមសិក្សាប៊ែលធី ជូនដល់សិស្សជ័យលាភីថ្នាក់ទី៦ ជំនាន់ទី២០ ឆ្នាំសិក្សា ២០២៤-២០២៥ ចំនួន ៦៧៥នាក់ (ក្រុមទី៤) មកពីសាខាទី១៨ ទី២០ ទី២១ និងសាខាទី២៣ ដល់ទី៣០ ក្រោមអធិបតីភាព ឯកឧត្តម លី ប៊ុនឆៃ អគ្គនាយករង ប៊ែលធី គ្រុប និងជាប្រធានគណៈគ្រប់គ្រងនាយកសាខា តំណាងដ៏ខ្ពង់ខ្ពស់ ឯកឧត្តមបណ្ឌិត លី ឆេង តំណាងរាស្រ្តមណ្ឌលរាជធានីភ្នំពេញ ស្ថាបនិក និងជាអគ្គនាយក ប៊ែលធី គ្រុប និងលោកជំទាវ។ ពិធីនេះបានប្រព្រឹត្តទៅ នាព្រឹកថ្ងៃសៅរ៍ ១១កើត ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១ ខែវិច្ឆិកា ឆ្នាំ២០២៥ នៅសាលសន្និសីទ នៃសាកលវិទ្យាល័យ ប៊ែលធី អន្តរជាតិទីតាំងទី២ (ស្ពានអាកាសចោមចៅ)។

សូមជម្រាបជូនថា ដោយសារសិស្សជ័យលាភីថ្នាក់ទី៦ មានចំនួនច្រើន សាលាបានរៀបចំបែងចែកពិធីប្រគល់វិញ្ញាបត្រនេះជា ៤ក្រុមគឺ៖
-ក្រុមទី១ ថ្ងៃទី១៨ កញ្ញា ២០២៥ មានចំនួន ៨សាខា មានសិស្សចំនួន ៦៨២នាក់
-ក្រុមទី២ ថ្ងៃទី១១ តុលា ២០២៥ មានចំនួន ៥សាខា មានសិស្សចំនួន ៦៧២នាក់
-ក្រុមទី៣ ថ្ងៃទី១៨ តុលា ២០២៥ មានចំនួន ៦សាខា មានសិស្សចំនួន ៦៧៥នាក់
-ក្រុមទី៤ ថ្ងៃទី០១ វិច្ឆិកា ២០២៥ មានចំនួន ១១សាខា មានសិស្សចំនួន ៦៧៥នាក់។