ទស្សនកិច្ចសិក្សា គឺជាសកម្មភាពបង្រៀន និងរៀនរបស់គ្រូ និងសិស្សនៅក្រៅថ្នាក់។ សកម្មភាពសិក្សាក្រៅថ្នាក់ គឺជាសេវាអប់រំមួយក្នុងចំណោមសេវាអប់រំនានា ដែលមានតួនាទីសំខាន់ ក្នុងការរួមចំណែកយ៉ាងសកម្ម ដល់ការពង្រីក និងពង្រឹងរបស់សិស្ស។ ដំណើរសិក្សាដល់ ទីកន្លែងបានជួយអោយសិស្ស មានការជក់ចិត្តដិតអារម្មណ៍ ហើយបង្កើនការចងចាំ នូវអ្វីដែលពួកគេបានឃើញ បានជួបប្រទះក្នុងពេល ទស្សនកិច្ចសិក្សា និងពង្រីកនូវការយល់ ដឹងអោយកាន់តែទូលំទូលាយ។ លើសពីនេះទៀតទស្សនកិច្ចសិក្សា អាចធ្វើអោយសិស្សមាន ទំនាក់ទំនងល្អ និងសាមគ្គីភាពខ្ពស់ជាមួយគ្នា។

ទីកន្លែងដែលយើងត្រូវនាំ សិស្សទៅធ្វើទស្សន កិច្ចសិក្សារួមមានៈ រមណីយដ្ឋានទេសចរ មជ្ឈមណ្ឌលវប្បធម៌ សិល្បៈ ឬជាកន្លែងដែលជាប់ទាក់ទងទៅ នឹងប្រវត្តិសាស្ត្រ សង្គមនានាមាន សារមន្ទីរជាតិ ព្រះបរមរាជវាំង សារមន្ទីរឧក្រិដ្ឋកម្ម ប្រល័យពូជសាសន៍ទួលស្លែង និងជើងឯក ព្រមទាំងកន្លែងសំខាន់ៗ ផ្សេងទៀតនៅទូទាំងប្រទេស។

ក្រោយពីទស្សនកិច្ចសិក្សា សិស្សត្រូវបានអោយសរសេរ របាយការណ៍អំពីដំណើរការ និងលទ្ធផលទស្សនកិច្ចសិក្សា រួចត្រូវប្រមូលយកមកកែដាក់ពិន្ទុ និងដំកល់ទុកជា ឯកសាររបស់សាខា។