ពិធីប្រគល់វិញ្ញាបនបត្រដល់សិស្ស
ភាសាអង់គ្លេសទូទៅ Level 6 &12 ចំនួន ៨៤៥នាក់ និងពិធី
សម្ពោតបើកឲ្យដំណើរការមជ្ឈមណ្ឌលប្រឡងតេស្តអន្តរជាតិ IELTS
ព្រឹកថ្ងៃទី៣១ ខែមីនា ឆ្នាំ២០១៥ សាលា ប៊ែលធី អន្តរជាតិ បានប្រារព្ធពិធីប្រគល់វិញ្ញាបនបត្រភាសាអង់គ្លេសទូទៅ និងអន្តរជាតិ ជូនសិស្ស ចំនួន ៨៤៥នាក់ ក្នុងនោះLevel 6 ចំនួន ៤៤៦នាក់ Level 12 ចំនួន ៣៥០នាក់ និងវិញ្ញាបនបត្រអន្តរជាតិIELTS ចំនួន ៤៩នាក់ នៅសាកលវិទ្យាល័យ ប៊ែលធី អន្តរជាតិ(សាខាទួលស្លែង) ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ស៊ាន បូរ៉ាត រដ្ឋលេខាធិការ ក្រសួងអប់រំ យុវជន និងកីឡា និងឯកឧត្ដម Bill Longhurst ឯកអគ្គរាជទូត នៃចក្រភពអង់គ្លេស ប្រចាំនៅកម្ពុជា។ ឯកឧត្តម លី ឆេង អគ្គនាយក ប៊ែលធី គ្រុប និងជាសាកលវិទ្យាធិការ សាកលវិទ្យាល័យ ប៊ែលធី អន្តរជាតិ បានមានប្រសាសន៍ថា៖ សិស្សភាសាអង់គ្លេសបានប្រឡងបញ្ចប់ទាំង៣៤ជំនាន់ សរុបទាំងកម្រិតបឋម(Primary Level) និងកម្រិតជាន់ខ្ពស់(High-Advanced Level) ចំនួន ១០.៦២៨នាក់ ក្នុងនោះLevel6 មានចំនួន ៧.០៩១នាក់ និងLevel12 មានចំនួន៣.៥៣៧នាក់ ហើយឆ្នាំនេះ យើងមានសិស្សLevel 12 ចូលរួមប្រឡងតេស្តអន្តរជាតិ ចំនួន ២២នាក់ ជាលទ្ធផល គឺបានពិន្ទុ ចាប់ 5.0 រហូតដល់ 8.0 ដែលជាពិន្ទុខ្ពស់របស់អន្តរជាតិ។ សាលា ប៊ែលធី អន្តរជាតិ ក៏បានបញ្ចូលកម្មវីធីសិក្សាបន្ថែមលើកម្មវិធីរបស់ក្រសូងអប់រំ យុវជន និងកីឡា ដែលមានស្រាប់ ដូចជា៖ ១-បញ្ចូលភាសាអង់គ្លេស ចាប់ពីថ្នាក់់ទី១ ដល់ទី១២ ២-បញ្ចុលកម្មវិធីកុំព្យូទ័រ ចាប់ពីថ្នាក់ទី៦ ដល់ទី៨ ៣- បានអញ្ជើញវាគ្មិនល្បីៗ មកធ្វើបទបង្ហាញលើប្រធានបទសំខាន់ៗ ក្នុងកម្មវិធីសិក្សាបន្ថែម (Extra-curricular Courses) ចាប់ពីថ្នាក់ទី១០ ដល់ទី១២ ៤- កម្មវិធីប្រកួតប្រជែងនិយាយជាសាធារណៈ (Public Speaking Contest Program) ៥- កម្មវិធីប្រកួតប្រជែងនិយាយភាសាអង់គ្លេស(English Speaking Contest Program) ៦- កម្មវិធីជជែកពិភាក្សា (Debate Program) សម្រាប់ថ្នាក់ចំណេះទូទៅ និងភាសាអង់គ្លេស ៧- ទស្សនកិច្ចសិក្សា (Field Trip) នៅតាមតំបន់ទេសចរណ៍ និង តំបន់ប្រវត្តិសាស្រ្តនានា ទាំងក្នុង និងក្រៅប្រទេស។ បន្ទាប់មកលោក Colin Glass ប្រធានSpringBoard 4 Asia បានមានចំណាប់អារម្មណ៍ថា ដោយមើលឃើញថា សាកលវិទ្យាល័យ ប៊ែលធី អន្តរជាតិ មានកម្មវិធីសិក្សា ដែលមានលក្ខណៈជាអន្តរជាតិ និងជាគ្រឹះស្ថានអប់រំឯកជនមួយ ដែលឈានមុខគេ និងល្បីឈ្មោះជាងគេនៅកម្ពុជា ព្រោះសិស្ស-និស្សិត ដែលបានបញ្ចប់ការសិក្សាពីប៊ែលធីសុទ្ធតែមានសមត្ថភាពគ្រប់គ្រាន់ទាំងផ្នែកចំណេះដឹងទូទៅ និងភាសា ហើយអាចធ្វើការប្រកួតប្រជែងក្នុងទីផ្សារការងារនាពេលបច្ចុប្បន្ន។ លោកបញ្ជាក់ថា ការប្រឡងរបស់សិស្ស-និស្សិតប៊ែលធី ទទួលបានជោគជ័យនេះ គឺបញ្ជាក់ពីកិច្ចខិតខំប្រឹងប្រែងរបស់អ្នកទាំងអស់គ្នាទាំងសាលា លោកគ្រូអ្នកគ្រូ និងសិស្សានុសិស្ស។ ក្នុងឱកាសនោះផងដែរ ឯកឧត្តម ស៊ាន បូរ៉ាត បានធ្វើការសំណេះសំណាល និងផ្ញើក្តីនឹករលឹកនិងសាកសួរសុខទុក្ខពីសំណាក់ ឯកឧត្តមរដ្ឋមន្ត្រី ក្រសួងអប់រំ យុវជន និងកីឡាជូនដល់ ថ្នាក់ដឹកនាំ លោកគ្រូ-អ្នកគ្រូ បុគ្គលិក និងសិស្សានុសិស្សទាំងអស់។ ឯកឧត្តមបានមានប្រសាសន៍ថាតាមរយៈចំនួនដ៏ច្រើនរបស់សិស្សសាលាប៊ែលធីអន្តរជាតិមានរហូតដល់ជាង ៣ម៉ឺននាក់បានឆ្លុះបញ្ចាំងពីការរីកចម្រើន និងកិច្ចខិតខំប្រឹងប្រែងរបស់ថ្នាក់ដឹកនាំ និងបុគ្គលិកគ្រប់លំដាប់ថ្នាក់ លោកគ្រូអ្នកគ្រូ ក្នុងការរក្សាទាំងកំណើនខ្ពស់នៃសិស្សចូលរៀន និងគុណភាពសិក្សាស្តង់ដាអន្តរជាតិ។ ឯកឧត្តមមានប្រសាសន៍ដែរថា ភាពរីកចម្រើន និងចំណុចខ្លាំងរបស់សាលាប៊ែលធីអន្តរជាតិមិនមែនកើតឡើងដោយចៃដន្យឡើយគឺប្រាកដណាស់បានពីការយកចិត្តទុកដាក់បំពេញការងាររបស់ថ្នាក់ដឹកនាំ បុគ្គលិកគ្រប់លំដាប់ថ្នាក់ ហើយក៏មិនអាចកាត់ផ្តាច់បានពីការខិតខំរៀនសូត្ររបស់សិស្សានុសិស្ស និងមាតាបិតាសិស្សនោះដែរ។ ឯកឧត្តមទទួលស្គាល់ថាការដាំដុះមនុស្សពិតជាមានការលំបាកជាងការដាំដុះដំណាំក្នុងចំការព្រោះការដាំដុះមនុស្សត្រូវការការតាមដានត្រួតពិនិត្យគ្រប់ពេលវេលា ហើយអ្នកដឹកនាំប្រាកដណាស់ត្រូវមានគំនិតឈ្លាសវៃ។ជាមួយគ្នានេះឯកឧត្តម ក៏បានធ្វើការផ្តាំផ្ញើដល់សិស្សានុសិស្សឲ្យបន្តការខិតខំប្រឹងប្រែងសិក្សារៀនសូត្រ ស្រាវជ្រាវបន្ថែមទៀត ដើម្បីក្លាយជាធនធានមនុស្សមានដែលមានសក្កានុពលសម្រាប់ប្រទេសជាតិ។ ឯកឧត្តមថា ការសិក្សារៀនសូត្រមិនមែនទទួលបានសញ្ញាបត្រនេះបញ្ចប់ទេគឺការសិក្សាត្រូវធ្វើឡើងពេញមូយជីវិតគឺគ្មានទីបញ្ចប់។ឯកឧត្តមថា ដើម្បីជាធនធានមនុស្សប្រកបដោយសមត្ថភាពពិតប្រាកដគឺត្រូវមានចំណេះដឹង បទពិសោធន៍ និងសីលធម៌។ ឯកឧត្តមក៏បានធ្វើការរលឹកទៅដល់សិស្សានុសិស្សទាំងអស់ដែរថា ត្រូវដឹងថាខ្លួនឯងជាអ្នកណា កំពុងធ្វើអ្វី និងធ្វើដើម្បីអ្វី។ បន្ទាប់មក ឯកឧត្តមប្រធានគណៈអធិបតី បានប្រគល់វិញ្ញាបនបត្រដល់សិស្សភាសាអង់គ្លេសទូទៅកម្រិតទី៦ និងទី១២ និងវិញ្ញាបនបត្រអន្តរជាតិ(IELTS) ចំនួន ៨៤៥នាក់ និងកាត់ខ្សែបូសម្ពោធបើកឲ្យដំណើរការមជ្ឈមណ្ឌលប្រឡងតេស្តអន្តរជាតិIELTS នៅជាន់ទី១១នៃសាកលវិទ្យាល័យប៊ែលធីអន្តរជាតិ នាពេលនោះផងដែរ។
|
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
_______________________________________________________________________