ពិធីចុះហត្ថលេខាលើអនុស្សរណៈយោគយល់(MOU) រវាងវិទ្យាស្ថានប៊ែលធីអន្តរជាតិ
ជាមួយនឹងសាកលវិទ្យាល័យ KUALA LUMPUR នៃប្រទេសម៉ាឡេស៊ី
នៅសាលសន្និសីទនៃវិទ្យាស្ថាន ប៊ែលធី អន្តរជាតិទី៩ (សាខាស្ទឹងមានជ័យ)ថ្ងៃទី២១ ខែមេសា ឆ្នាំ២០១១ បានរៀបចំពិធីចុះហត្ថលេខាលើអនុស្សរណៈយោគយល់(MOU) រវាងវិទ្យាស្ថាន ប៊ែលធី អន្តរជាតិ ជាមួយនឹងសាកលវិទ្យាល័យ KUALA LUMPUR នៃប្រទេសម៉ាឡេស៊ី ក្រោមអធិបតីភាពដ៏ខ្ពង់ខ្ពស់របស់ ឯកឧត្តម លី ឆេង អគ្គនាយក ប៊ែលធី គ្រុប និងជានាយកវិទ្យាស្ថាន ប៊ែលធី អន្តរជាតិ និង ឯកឧត្តមបណ្ឌិត Y.B. Datuk Dr. Adham Baba ប្រធានក្រុមប្រឹក្សាភិបាល នៃសាកលវិទ្យាល័យ KUALA LUMPUR ព្រមទាំងមានការអញ្ជើញចូលរួមពីថ្នាក់ដឹកនាំ លោកគ្រូ-អ្នកគ្រូ និងសិស្ស-និស្សិត នៃវិទ្យាស្ថាន ប៊ែលធី អន្តរជាតិ ជាង១០០០នាក់។ ដោយឡែក ប៊ែលធីអប់រំបានចែកចេញជា ៣ផែ្នកធំៗគឺៈ វិទ្យាស្ថានប៊ែលធីអន្តរជាតិ សាកលវិទ្យាល័យប៊ែលធីអន្តរជាតិ និងប៊ែលធីទំនាក់ទំនងអន្តរជាតិ ខ-សាកលវិទ្យាល័យប៊ែលធីអន្តរជាតិ អគារមានកំពស់ ១២ជាន់ ដែលមាន៦មហាវិទ្យាល័យធំៗ ដូចជាៈ(១)- មហាវិទ្យាល័យគ្រប់គ្រងពាណិជ្ជកម្ម (២)-មហាវិទ្យាល័យវិទ្យាសាស្រ្តអប់រំនិងភាសា (៣)-មហាវិទ្យាល័យនិតិសាស្រ្តនិងវិទ្យាសាស្រ្តសេដ្ឋកិច្ច (៤)- មហាវិទ្យាល័យទេសចរណ៍ និងបដិសណ្ឋារកិច្ច (៥)- មហាវិទ្យាល័យវិស្វកម្មនិងស្ថាបត្យកម្ម (៦)-មហាវិទ្យាល័យព័ត៌មានវិទ្យា គ-ប៊ែលធីទំនាក់ទំនងអន្តរជាតិ មានទីតាំង ស្ថិតនៅ ប៊ែលធីទី១០ (សាខាអាងទឹកអូឡាំពិក) និងមានបម្រើសេវា ដូចជា៖ (១)-ការបញ្ជូនសិស្សទៅសិក្សាក្រៅប្រទេស (២)-កម្មវិធីផ្លាស់ប្តូរនិស្សិត (៣)-ការធ្វើកម្មសិក្សានៅក្រៅប្រទេស (៤)-ការអភិវឌ្ឍស្ថាប័ន។ ប៊ែលធីទំនាក់ទំនងអន្តរជាតិនេះ ក៏មានភារកិច្ចធ្វើការទំនាក់ទំនង និងធ្វើកិច្ចសហប្រតិបត្តិការជាមួយសាកលវិទ្យាល័យល្បីៗនៅឯក្រៅប្រទេសដូចជាៈ ចក្រភពអង់គ្លេស សហរដ្ឋអាមេរិក ម៉ាឡេស៊ី និងប្រទេសនានាមួយចំនួនទៀតនៅលើពិភពលោក ដើម្បីចុះអនុស្សរណៈយោគយល់(MOU)រវាងប៊ែលធី និងសាកលវិទ្យាល័យក្រៅប្រទេសទាំងនោះ ដោយអនុវត្តតាមគោលការណ៍ស្តង់ដារអន្តរជាតិ ដូចជាការបញ្ជូននិស្សិតទៅសិក្សានៅក្រៅប្រទេសរយៈពេល១ឆមាស, ១ឆ្នាំ, ឬតាមកម្មវិធីៈ១+៣, ២+២, ឬ៣+១ មានន័យថាៈ សិស្សបញ្ចប់ថ្នាក់ឆ្នាំសិក្សាមូលដ្ឋាននៅប៊ែលធី អាចបន្តការសិក្សានៅឯសាកលវិទ្យាល័យក្រៅប្រទេសក្នុងឆ្នាំទី២, ឆ្នាំទី៣ ឬឆ្នាំចុងក្រោយ ដើម្បីប្រឡងយកសញ្ញាបត្របរិញ្ញាបត្រពីសាកលវិទ្យាល័យទាំងនោះដោយស្វ័យប្រវត្តិ។ ជាក់ស្តែង វិទ្យាស្ថាន បានចុះហត្ថលេខាលើអនុស្សរណៈយោគយល់ជាមួយនឹងសាកលវិទ្យាល័យធំៗ២នៅចក្រភពអង់គ្លេសរួមមានៈ សាកលវិទ្យាល័យ Regent’s College, London និងសាកលវិទ្យាល័យ York Saint John ហើយថ្មីៗនេះ ប៊ែលធីទំនាក់ទំនងអន្តរជាតិ ក៏បានបញ្ជូននិស្សិតចំនួន០២រូប ទៅសិក្សាថ្នាក់បរិញ្ញាបត្រជាន់ខ្ពស់ ផ្នែកគ្រប់គ្រងពាណិជ្ជកម្ម(Master of Business Administration) នៅសាកលវិទ្យាល័យ Regent’s College, London ផងដែរ។ ថ្ងៃនេះវិទ្យាស្ថាន ក៏បានចុះហត្ថលេខាលើអនុស្សរណៈយោគយល់បន្ថែមមួយទៀត ជាមួយនឹងសាកលវិទ្យាល័យ KUALA LUMPUR នៃប្រទេសម៉ាឡេស៊ី ក្នុងគោលបំណងដូចជាៈ (១)-អភិវឌ្ឍនិងរៀបចំកម្មវិធីបណ្តុះបណ្តាលជំនាញអាជីព និងអប់រំ (២)-ធ្វើការផ្លាស់ប្តូរចំណេះដឹងបច្ចេកទេស និងការពិគ្រោះយោបល់ (៣)-ធ្វើការផ្លាស់ប្តូរបុគ្គលិកសិក្សា ក្នុងគោលបំណងការសិក្សា និងស្រាវជ្រាវ (៤)-ធ្វើការផ្លាស់ប្តូរនិស្សិត ក្នុងគោលបំណងការសិក្សា និងស្រាវជ្រាវ (៥)-ធ្វើការសិក្សាស្រាវជ្រាវ និងសកម្មភាពបង្រៀនរួមគ្នា (៦)-ធ្វើការអភិវឌ្ឍមុខវិជ្ជាសិក្សា និងការបង្រៀនរួមគ្នា (៧)-ធ្វើការរួមគ្នានូវរាល់សកម្មភាពសហប្រតិបត្តិការដែលមានសក្តានុពល និងផ្តល់ជាប្រយោជន៍ដល់ការអប់រំនៃប្រទេសទាំងពីររួមមាន ការសិក្សាស្រាវជ្រាវ និងអភិវឌ្ឍសង្គម និងវប្បធម៌។ ឆ្លងតាមរយៈការចុះហត្ថលេខាលើអនុស្សរណៈនេះ ឯកឧត្តមសង្ឃឹមជឿជាក់ថា នឹងបង្កើតបាននូវកិច្ចសហប្រតិបត្តិការ យ៉ាងជិតស្និតរវាងប៊ែលធី ជាមួយនឹងសាកលវិទ្យាល័យ KUALA LUMPUR នៃប្រទេសម៉ាឡេស៊ី ក្នុងការបញ្ជូនសិស្ស-និស្សិតទៅសិក្សានៅទីនោះប្រកបដោយជោគជ័យ។ ក្នុងឱកាសនោះដែរ ឯកឧត្តមបណ្ឌិត Y.B. Datuk Dr. Adham Baba ប្រធានក្រុមប្រឹក្សាភិបាល នៃសាកលវិទ្យាល័យ KUALA LUMPUR បានធ្វើការចាប់អារម្មណ៍ថាៈ លោកមានក្តីសប្បាយរីករាយណាស់ ដោយវិទ្យាស្ថាន ប៊ែលធី អន្តរជាតិ បានរៀបចំពិធីចុះហត្ថលេខាលើអនុស្សរណៈ(MOU)ជាមួយនឹងសាកលវិទ្យាល័យ KUALA LUMPUR នៃប្រទេសម៉ាឡេស៊ី។ ដោយមើលឃើញថា វិទ្យាស្ថាន ប៊ែលធី អន្តរជាតិ មានកម្មវិធីសិក្សាដែលមានលក្ខណៈជាអន្តរជាតិ និងជាគ្រឹះស្ថានអប់រំឯកជនមួយដែលឈានមុខគេ និងល្បីឈ្មោះជាងគេនៅកម្ពុជា ព្រោះសិស្ស-និស្សិតដែលបានបញ្ចប់ ការសិក្សាពីប៊ែលធី សុទ្ធតែមានសមត្ថភាពគ្រប់គ្រាន់ទាំងផ្នែកចំណេះដឹងទូទៅ និងភាសា ហើយអាចបន្តការសិក្សានៅសាកលវិទ្យាល័យនានា នៅប្រទេសម៉ាឡេស៊ីបាន ជាពិសេសនៅសាកលវិទ្យាល័យ KUALA LUMPUR របស់លោក។ ជាទីបញ្ចប់ ឯកឧត្តម លី ឆេង និង ឯកឧត្តមបណ្ឌិត Y.B. Datuk Dr. Adham Baba បានចុះហត្ថលេខាលើអនុស្សរណៈយោគយល់គ្នា និងបានប្រគល់វត្ថុអនុស្សាវរីយ៍ជូនគ្នាទៅវិញទៅមក នាពេលនោះផងដែរ។ |