៨-អនុវិទ្យាល័យពីថ្នាក់ទី ៧ ដល់ថ្នាក់ទី៩

ក-អំពីអនុវិទ្យាល័យ

អនុវិទ្យាល័យ ប៊ែលធី អន្តរជាតិ គឺជាសាលារៀនឯកជនមួយដែលធំជាងគេ មានទីតាំងច្រើនជាងគេ តម្លៃសិក្សាសមរម្យជាងគេ និងឈានមុខគេ ក្នុងការផ្តល់សេវាអប់រំ ផ្នែកចំណេះទូទៅ ស្របតាមកម្មវិធីសិក្សារបស់ ក្រសួងអប់រំ យុវជន និងកីឡា។ ប៉ុន្តែដោយ ឡែកកម្មវិធីសិក្សារបស់ប៊ែលធី មានបន្ថែម ភាសាអង់គ្លេសទៅលើចំណងជើង (Titles) និងចំណងជើងរង (Sub-Titles) ចាប់ពីថ្នាក់ទី៧ ដល់ទី៩ ហើយមាន កម្មវិធីសិក្សាកុំព្យូទ័រចំនួន ១ម៉ោងក្នុងមួយ សប្តាហ៍សំរាប់ថ្នាក់ទី៧និងទី៨ និងកម្មវិធីកីឡាមានបង្ហាត់ក្បាច់គុនបុរាណខ្មែរនិងតៃក្វាន់ដូ(Taekwondo)។ ជាពិសេស ប៊ែលធីបានរៀបចំថ្នាក់បំប៉នសម្រាប់ថ្នាក់ប្រលង ទី៩ ដោយឥតគិតថ្លៃរៀងរាល់ថ្ងៃអាទិត្យ ហើយសិស្សប៊ែលធី បានប្រឡងជាប់ថ្នាក់មធ្យមសិក្សាបឋមភូមិ ស្ទើរតែ ១០០% និងជាប់ចំណាត់ថ្នាក់សិស្សពូកែប្រចាំរាជធានី និងទូទាំងប្រទេសស្ទើររៀងរាល់ឆ្នាំ។

ខ-អំពីគ្រូបង្រៀន

អនុវិទ្យាល័យ ប៊ែលធី អន្តរជាតិ មានគ្រូបង្រៀនដែលមាន សញ្ញាបត្រគរុកោសល្យមធ្យមសិក្សា និងគ្រូមួយចំនួនទៀតកំពុងបន្តការសិក្សាថ្នាក់បរិញ្ញាបត្រ និង ថ្នាក់អនុបណ្ឌិត ប្រកបដោយការយកចិត្តទុកដាក់ ភាពច្នៃប្រឌិត ការប្តេជ្ញាចិត្តខ្ពស់ ទេពកោសល្យ និងបទពិសោធន៍គ្រប់គ្រាន់ ក្នុងការបង្រៀន ដែលធ្វើអោយសិស្ស-និស្សិត ងាយយល់ ឆាប់ចាប់បាន ឆាប់ចេះ និងទទួលនូវចំណេះដឹង ប្រកបដោយសមត្ថភាពពេញលេញយ៉ាងពិតប្រាកដ ហើយគ្រូ បង្រៀនម្នាក់ អាចបង្រៀនបានតែមួយកំរិតតែប៉ុណ្ណោះ។

គ-សម្ភារៈរូបវន្ត

សាលា ប៊ែលធី អន្តរជាតិ មានដាក់រូបភាព (Posters) និងពាក្យស្លោកតាមជញ្ជាំងក្នុងថ្នាក់រៀនដែលទាក់ទងទៅនឹងមេរៀន រួមទាំងឧបករណ៍សំរាប់បង្រៀន ដូចជា LCD, Overhead Projector,TV, Flash Cardsនិង Story Cards អ៊ិនធឺណិត និងអ៊ីម៉ែល, បន្ទប់ហ្វឹកហ្វឺនភាសា, បណ្ណាល័យធំទូលាយ, ម៉ាស៊ីនភ្លើង ដែលបង្កភាពងាយស្រួលក្នុងករណីភ្លើងដាច់។

ឃ-អំពីថ្នាក់រៀន

បន្ទប់រៀននីមួយៗមានម៉ាស៊ីនត្រជាក់ បំពាក់ដោយកាម៉េរ៉ាសំរាប់តាមដានការសិក្សានិងសកម្មភាពនានារបស់សិស្សនិងការបង្រៀនរបស់គ្រូ និងកំណត់ចំនួនសិស្សត្រឹមតែ ៣០ ទៅ ៤០នាក់ក្នុងមួយថ្នាក់។

ង-ទស្សនកិច្ចសិក្សា

សិស្សថ្នាក់ទី៧ ត្រូវបានទៅធ្វើទស្សនកិច្ចសិក្សានៅសារមន្ទីរជាតិ និងថ្នាក់ទី៨ និងទី៩ ត្រូវបានទៅធ្វើទស្សនកិច្ចសិក្សា នៅសារមន្ទីរឧក្រិដ្ឋកម្មប្រល័យពូជសាសន៍ទួលស្លែង មួយឆ្នាំម្តងជារៀងរាល់ឆ្នាំ។ ក្រោយការធ្វើទស្សនកិច្ចសិក្សាសិស្សត្រូវសរសេររៀបរាប់នូវចំណាប់អារម្មណ៍របស់ខ្លួនអំពីលទ្ធផលនៃទស្សនកិច្ចសិក្សា ដើម្បីយកពិន្ទុទៅបូកជាមួយពិន្ទុ ប្រចាំខែ។

ច-អំពីការប្រឡង

រាល់ការប្រឡងនានា សាលាបានរៀបចំ វិញ្ញាសាយ៉ាងត្រឹមត្រូវ ដើម្បីធានា ឲ្យបានគុណភាព និងចំនេះដឹង ដោយមាន គណៈកម្មការ ត្រួតពិនិត្យ ច្បាស់លាស់។ ចំណែកឯ ការប្រឡងយកសញ្ញាបត្រមធ្យមសិក្សាបឋមភូមិ(ថ្នាក់ទី៩) សិស្សប៊ែលធីត្រូវបានបញ្ជូនទៅប្រឡងជាមួយសិស្សនៅសាលារដ្ឋ។ សិស្ស ប៊ែលធី មានសិទ្ធិប្រលងយកសញ្ញាបត្រគ្រប់កំរិតដូចសិស្ស ដែលរៀននៅសាលារដ្ឋដែរ។ * សិស្សដែលបានរៀននៅ ប៊ែលធី ហើយត្រូវបានផ្ទេរទៅរៀននៅបរទេស ដូចជាសហរដ្ឋអាមេរិច អូស្រ្តាលី កាណាដា សឹង្ហបូរី និងប្រទេសផ្សេងៗទៀតជាច្រើន សុទ្ធតែបានប្រទេសទាំងនោះផ្តល់ឲ្យនូវកំរិតថ្នាក់សិក្សាស្មើគ្នា ដូចរៀននៅ ប៊ែលធី ដែរ។

ឆ-កម្មវិធីសិក្សា

ភាសាខ្មែរ

គណិតវិទ្យា

សិក្សាសង្គម (ពលរដ្ឋវិជ្ជា និងសីលធម៌ គេហវិទ្យា ភូមិវិទ្យានិងប្រវត្តិវិទ្យា)

វិទ្យាសាស្រ្តអនុវត្ត (រូបវិទ្យា គីមីវិទ្យា ជីវវិទ្យា និងផែនដីវិទ្យា)

ភាសាអង់គ្លេស

អប់រំកាយ និងកីឡា

ថ្នាក់កុំព្យូទ័រ

ជ-អំពីសញ្ញាបត្រ

សញ្ញាបត្រមធ្យមសិក្សា បឋមភូមិ (ឌីប្លូម)

ឈ-អំពីតម្លៃសិក្សា អនុវិទ្យាល័យពីថ្នាក់ទី ៧ ដល់ថ្នាក់ទី៨

ថ្នាក់ទី	តម្លៃឆមាសទី១	តម្លៃឆមាសទី២	តម្លៃ១ឆ្នាំ
7	$ 420	$ 420	$ 800
8	$ 420	$ 420	$ 800
9	$ 445	$ 445	$ 850

ញ-កាលបរិច្ឆេទនិងម៉ោងសិក្សា

មុខវិជ្ជា	ម៉ោងសិក្សា	ចាប់ផ្តើម
ចំណេះទូទៅ	ថ្ងៃនិងម៉ោងសិក្សា សិក្សាពីថ្ងៃ ច័ន្ទ ដល់ ថ្ងៃសៅរ៍ ថ្នាក់មធ្យមសិក្សា ព្រឹក-៧:៣០ – ១១:០០ ល្ងាច-១:៣០ – ៥:០០	បវេសនកាលប្រចាំឆ្នាំ ចូលរៀនថ្ងៃទី០១ ខែសីហា រៀងរាល់ឆ្នាំ


១-	ចក្ខុវិស័យ បេសកកម្ម និងគោលដៅ
២-	លក្ខណសម្បត្តិពិសេស
៣-	បវេសនកាល និងតម្លៃសិក្សា
៤-	ចុះឈ្មោះចូលរៀន និងកម្មវិធីសិក្សា
៥-	គោលការណ៍ លើកទឹកចិត្ត
៦-	ថ្នាក់ត្រៀមមុនចូលថ្នាក់ទី១
៧-	បឋមសិក្សាពីថ្នាក់ទី១-ទី៦
៨-	អនុវិទ្យាល័យពីថ្នាក់ទី៧-ទី៩
៩-	វិទ្យាល័យពីថ្នាក់ទី១០-ទី១២
១០-	សញ្ញាបត្រចំណេះទូទៅ