Skip to Menu Skip to Content Skip to Footer

សូម​​​គោរព​ និង​​​​សូម​​ស្វា​​គ​ម​ន៍​​ ស​ម្តេច ឯក​ឧត្តម លោក​​ ឧកញ៉ា លោក​​​ជំទាវ លោក​​ លោក​ស្រី អ្នក​​​នាង​​ក​ញ្ញា ជា ពិ​សេស​​ប្អូនៗ​​សិស្សា-នុស្សិត​​ទាំង​​​​អ​ស់​​ដែល​បាន​​​គាំ​​​ទ្រ និង​​​ផ្តល់​​​ទំនុក​​ ចិត្ត​​​ម​ក​​​​លើ ​សាលា ប៊ែល​ធី អ​ន្តរ​ជាតិ ​កន្លង​ម​ក​​ចាប់តាំង​ពី​វិទ្យា​ស្ថាន​នេះ​មាន​​ទី​តាំង​តែ​មួយ​ក​ន្លែង​រ​ ហូត​ម​ក​ដ​ល់​បច្ចុ​ប្បន្ន សាលាបាន​ព​ង្រីក​ទី​តាំង​រ​ប​ស់​ខ្លួន​បាន ​២០​ក​ន្លែង​នៅ​ក្នុង​រាជ​ធា​នី​ភ្នំ​ពេញ និង​បាន​​បើ​ក​ដំណើរ​ការសា​ក​ល​​​វិទ្យា​​ល័យ ​លំដាប់​​​​អ​ន្តរ​​​ជាតិដ៏​​​ទំ​នើប​​​មួយ​នៅ​​​ចំ​​ក​ណ្តាលរាជ​ធា​នី​ភ្នំ​ពេញបេះ​ដូង​នៃ​ព្រះ​រា​ជា​ណា​ចក្រ​កម្ពុជា​ ហើយ​ត្រូវ​បាន​ប្រ​សិទ្ធ​​នាម​ថា សាកល​វិទ្យា​ល័យ ប៊ែល​ធី អន្តរ​ជាតិ

ទន្ទឹម​នឹង​នេះ​ផង​ដែរ​ យើង​ទាំង​​អស់​គ្នា​បាន​​ឈាន​មក​ដល់​យុគ​សម័យ​សាកល​​ភាវូបនីយ​កម្ម​ដែល​ទាម​ទារ​ឲ្យ​​មាន​​ការ​​ពង្រឹង​ និង​កសាង​សមត្ថ​ភាព​បន្ថែម​ទៀត​ដើម្បី​ ឲ្យ​មាន​​សក្តា​នុពល​ក្នុង​ការ​ធ្វើ​សមា​ហរន្ត​កម្ម​ខ្លួន​ទៅ​ក្នុង​ តំបន់​ក៏​ដូច​ជា​ពិភព​លោក​ ក្នុង​ន័យ​បង្កើន​ឧត្តម​ភាព​ប្រៀប​ធៀប​ក្នុង​ការ​ប្រកួត​​ប្រជែង​ជាមួយ​បណ្តា​ប្រទេស​នា​នា​នៅ​ជុំ​វិញ​ពិភព​លោក​។​ សាកល​វិទ្យា​ល័យ​ ​ប៊ែល​ធី​ ​អន្តរ​ជាតិ​ ត្រូវ​​បាន​​បង្កើត​ឡើង​ក្នុង​គោល​បំណង​​ចូល​រួម​ចំណែក​អភិវឌ្ឍ​សង្គម​ជាតិ​ តាម​រយៈ​ការ​អភិវឌ្ឍ​ធន​ធាន​មនុស្ស​ស្រប​តាម​យុទ្ធ​សាស្ត្រ​ចតុ​កោណ​ (ដើម្បី​ កំណើន​ ការងារ​ សម​ធម៌​ និង​ប្រសិទ្ធ​ភាព នៅ​កម្ពុជា​)​ របស់​រាជ​រដ្ឋា​ភិបាល​ដែល​មាន​ សម្តេច​​អគ្គ​មហា​​សេនា​បតី​តេជោ​ ហ៊ុន​ សែន​ ជា​ នាយក​រដ្ឋ​មន្ត្រី​ និង​ជា​វីរៈ​កុល​បុត្រ​​ខ្មែរ​ដ៏​​ឆ្នើម​ធ្វើ​ឲ្យ​ប្រទេស​ជាតិ​បាន​ សុខ​សន្តិ​ភាព​ពេញ​លេញ​ប្រកប​ដោយ​ការ​អភិវឌ្ឍ​លើ​គ្រប់​វិស័យ​។​ ម្យ៉ាង​វិញ​ទៀត​ដើម្បី​ស្រូប​​​យក​សិស្សា​នុ​សិស្ស​របស់​សាលា ប៊ែល​ធី អ​ន្តរ​ជាតិ​ ក៏​ដូច​ជា​​​សិស្សា​​-នុ​សិស្ស​ដែល​មក​ពី​បណ្តា​ខេត្ត​ក្រុង​ទូ​ទាំង​ ប្រទេស​កម្ពុជា​ ដែល​បាន​បញ្ចប់​ការ​សិក្សា​ថ្នាក់​​មធ្យម​សិក្សា​ទុតិយ​ភូមិ​ (​បាក់​ឌុប​)​ ព្រម​ទាំង​ជន​ជាតិ​បរទេស​ដែល​មក​ធ្វើ​ការ​នៅ​ប្រទេស​​​កម្ពុជា​ និង​​និស្សិត​បរទេស​មក​ពី​ប្រទេស​នា​នា​ ឲ្យ​មក​សិក្សា​ថ្នាក់​​ឧត្តម​សិក្សា​នៅ​សាកល​វិទ្យា​ល័យ​ ប៊ែល​ធី​ អន្តរ​ជាតិ​​។​

សាកល​វិទ្យា​ល័យ​មាន​ផ្តល់​សេវា​អប់រំឧត្តមសិក្សា ​ចាប់ពីថ្នាក់បំប៉នភាសាអង់គ្លេស  ​ថ្នាក់​​បរិញ្ញា​បត្រ​ រហូត​ដល់​ថ្នាក់​បណ្ឌិត។ ជាងនេះទៅទៀតសាកលវិទ្យាល័យក៏បានរៀបចំបណ្តុះបណ្តាល ​ជាភាសាជាតិ (បង្រៀន ជាពីរភាសា = ភាសាខ្មែរ រួមជាមួយ ភាសាអង់គ្លេស)​ លើកម្មវិធីសិក្សា ​អន្តរជាតិ (បង្រៀនជាភាសាអង់គ្លេស ១០០%)​ ដែលមានស្រាប់។​ កម្ម​វិធី​សិក្សា​ត្រូវ​បាន​រៀប​ចំ​ឡើង​ ​យ៉ាង​សម្រិត​សម្រាំង​​ ដោយ​បាន​ធ្វើ​ឲ្យ​ស៊ី​គ្នា​រវាង​កម្ម​វិធី​ មុខ​វិជ្ជា​ និង​ពេល​វេលា​សិក្សាជា​ មួយ​សាកល​វិទ្យា​ល័យ​ធំៗ​ឯ​ក្រៅ​ប្រទេស ដែល​បង្ក​ភាព​ងាយ​ស្រួល​ជូន​ដល់​និស្សិត​ ដែល​ចង់​បន្ត​ការ​សិក្សា​នៅ​ឯ​​បរទេស​។​ សាកល​វិទ្យា​ល័យ​ តែង​តែ​ព្យាយាម​លើក​កម្ពស់​ ​ការ​អ​ប់រំផ្នែក​សីល​ធម៌​សង្គម​ នយោ​បាយ​ មិន​រើស​អើង​គ្នា​ និង​ទូន្មាន​និស្សិត​ឲ្យ​ស្គាល់​ ច្បាស់​ពី​​អត្ត​សញ្ញាណ​របស់​ខ្លួន​ ឲ្យ​ចេះ​ស្រឡាញ់​ប្រទេស​ជាតិ​មាតុ​ភូមិ​របស់​ពួក​គេ​ គោរព​ ​ច្បាប់​រដ្ឋ អនុ​វត្ត​តាម​បទ​បញ្ជា​ផ្ទៃ​ក្នុង​របស់​ប៊ែល​ធី​ ព្រម​ទាំង​មាន​ ចំណេះ​ដឹង​ និង​ ​ចំណេះ​ធ្វើ​ ហើយ​ជា​ពិសេស​ឲ្យ​ពួក​គេ​​យល់​ដឹង​ពី​ប្រភព​នៃ​ការ​សិក្សា​មាន​បី​គឺ៖​ រៀន​ពី​សាលា​ រៀន​ពី​ការ​ងារ​ និង​  រៀន​ដោយ​ខ្លួន​ឯង​។​

យើង​សង្ឃឹម​ និង​ជឿ​ជាក់​ថា​ ដោយ​មាន​ចក្ខុ​វិស័យ​ច្បាស់​លាស់​ បេស​កកម្ម​ ត្រឹម​ត្រូវ​ គោល​ដៅ​ជាក់​លាក់​ បទ​ពិសោធន៍​ ធន​ធាន​សម្ភារ​ ធន​ធាន​បញ្ញា​ និង​ហិរញ្ញ​វត្ថុ​ គ្រប់​គ្រាន់​ ព្រម​ទាំង​មាន​ការ​ប្តេជ្ញា​ចិត្ត​ខ្ពស់​ សាកល​វិទ្យា​ល័យ​របស់​យើង​នឹង​ក្លាយ​ជា​ សាកល​វិទ្យា​ល័យ​លំដាប់​អន្តរ​ជាតិ​មួយ​ដែល​ឈាន​មុខ​គេ​នៅ​កម្ពុជា​។​ និស្សិត​ដែល​ បាន​បញ្ចប់​ការ​សិក្សា​ ពិត​ជា​យល់​ដឹង​យ៉ាង​ច្បាស់​ពី​ការ​គ្រប់​គ្រង​ទាំង​បី​គឺ​៖​ គ្រប់​គ្រង​ខ្លួន​ឯង​ គ្រប់​គ្រង​គ្រួសារ​ និង​ គ្រប់​គ្រង​សង្គម​ នឹង​ក្លាយ​ជា​ធន​ធាន​បញ្ញា​ដ៏​មាន​ ប្រយោជន៍​ប្រកប​ដោយ​សីលធម៌​ល្អ​ និង​គុណ​ធម៌​ខ្ពស់​ ​ដែល​អាច​ចូល​រួម​ចំណែក​ក្នុង​ការ​ ​​​អភិវឌ្ឍ​​សង្គម​ជាតិ​ឲ្យ​​សម្បូរ​រុង​រឿង​នា​ពេល​អនា​គត​ និង​ចូល​រួម​ក្នុង​ចលនា​សាកល​ភាវូ​នីយ​កម្ម​ផង​ដែរ​។​ ដើម្បី​ទទួល​បាន​ជោគ​ជ័យ​លើ​បេស​កម្ម​អប់រំ​ សាកល​វិទ្យា​ល័យ​បាន​ កំណត់​ និង​ដាក់​ចេញ​នូវ​បាវ​ចនា​ជា​អាទិភាព​ដើម្បី​ធ្វើ​ជា​ត្រី​វិស័យ​តម្រង់​ ទិ​ស​ទៅ​​អនាគត​​របស់​ខ្លួន​គឺ​៖ “​គុណ​ភាព​ ប្រសិទ្ធ​ភាព​ ឧត្តម​​ភាព​ សីល​ធម៌  គុណ​ធម៌​”​។​

យើង​ខ្ញុំ​​​​រង់​ចាំ​ស្វាគមន៍​ សម្តេច​ ឯក​ឧត្តម​ លោក​ឧកញ៉ា​ លោក​​ជំទាវ​ អស់​លោក​ លោក​ស្រី​ សិស្ស​និស្សិត​ទាំង​អស់​ ដែល​បាន​អញ្ជើញ​មក​ចុះ​ឈ្មោះ​សិក្សា​ និង​បញ្ជូន​ បុត្រ​ធីតា​មក​សិក្សា​នៅ​សាកល​វិទ្យា​ល័យ​ ប៊ែល​ធី​ អន្តរ​ជាតិ​ ​ដោយ​ក្តី​សោម​នស្ស​រីក​រាយ​ ​ជា​និច្ច​។​

សូម​​គោរព​ជូន​ពរ​ សុខ​ភាព​​ល្អ​ និង​​ជោគ​​ជ័យ​​គ្រប់​​ភារ​​កិច្ច។

 


Flag Counter







យើងមាន ភ្ញៀវ 19 នាក់
កំពុងបើកមើល

ចំនួនអ្នកមើល 351789