អំពី​កម្ម​វិធី​សិក្សា​

•បច្ចុប្ប្នន្ននេះសិស្សរបស់យើងជាច្រើនមានសម្ថភាពផ្នែកភាសាអង់គ្លេសគ្រប់គ្រាន់ទាំង ការស្តាប់ ការនិយាយ ការសរសេរ និងការអាន ប៉ុន្តែពួកគាត់ពុំទាន់មានសញ្ញាបត្រមធ្យម សិក្សាទុតិយភូមិ (បាក់ឌុប) ដើម្បីបន្តការសិក្សាថ្នាក់ឧត្តមសិក្សា តាមមហាវិទ្យាល័យ ឬសាកលវិទ្យាល័យ នានានៅទ្បើយ។

•ដោយមើលឃើញនូវកត្តាទាំងនេះ សាកលវិទ្យាល័យ ប៊ែលធី អន្តរជាតិ បានបង្កើត ថ្នាក់ត្រៀមបរិញ្ញាបត្រ នេះឡើង ដើម្បីជួយសិស្សដែលមានសមត្ថភាពផ្នែកភាសាអង់គ្លេស រួច​ ហើយទាំងនោះ បានចូលសិក្សាថ្នាក់ត្រៀមបរិញ្ញាបត្ររយៈពេល ៦ខែ ទៅ១ឆ្នាំ ទៅតាមសមត្ថភាព របស់សិស្សម្នាក់ៗ ដើម្បីឲ្យពួកគាត់បានយល់ដឹងនូវពាក្យគន្លឹះសំខាន់ៗ ជំនាញបច្ចេកទេស អំពីចរន្តសេដ្ឋកិច្ចជាតិ ច្បាប់ជាតិ និងអន្តរជាតិ ទីតាំងភូមិសាស្ត្រ ប្រទេសកម្ពុជាក៏ដូចជាពិភពលោក ដែលជាមូលដ្ឋានគ្រឹះ សម្រាប់បន្តការសិក្សា ថ្នាក់ឧត្តមសិក្សា នៅពេលដែលពួកគាត់មាន សញ្ញាបត្រមធ្យមសិក្សាទុតិយភូមិ (បាក់ឌុប)។

•ថ្នាក់ត្រៀមបរិញ្ញាបត្រនេះបានក៏បានរៀបចំឡើង ដើម្បីទទួលសិស្សបរទេស ដែលមានបំណងបន្ត ការសិក្សានៅ សាកលវិទ្យាល័យ ប៊ែលធី អន្តរជាតិ ដើម្បីស្វែងយល់ អំពីស្ថានភាពនយោបាយ ជីវភាពរស់នៅរបស់ប្រជាជនខ្មែរ សិក្សាពីវប្បធម៌ អរិយធម៌ តាមតំបន់នីមួយៗ និងការគ្រប់គ្រងរដ្ឋ របស់ប្រទេសកម្ពុជា ក៏ដូចជាការចូលរួមទៅក្នុង សាកលភាវូនីយកម្មផងដែរ។

•នៅពេលបញ្ចប់ការសិក្សាថ្នាក់ត្រៀមបរិញ្ញាបត្រ សិស្សនឹងទទួលបានវិញ្ញាបនត្រ បញ្ជាក់ការសិក្សា ហើយមានសិទ្ធិចុះឈ្មោះសិក្សាថ្នាក់ឆ្នាំសិក្សាដោយស័្វយប្រវត្តិ (សម្រាប់តែសិស្សដែលមានសញ្ញាបត្រមធ្យមសិក្សាទុតិយភូមិ)។

+លក្ខខណ្ឌចុះឈ្មោះចូលរៀន

•សិស្ស​ទាំង​ពីរ​ភេទ​​ ​ដែល​មាន​អាយុចាប់ពី១៥​ ឆ្នាំឡើង​ទៅ អាច​ចូល​រៀនថ្នាក់ត្រៀមបរិញ្ញាបត្របាន។
•សិស្សត្រូវធ្វើតេស្ត​ភាសាអង់គ្លេស មុននឹងចូលរៀន

-កាលបរិច្ឆេទចូលរៀន

•ចូលរៀនលើក១៖ ថ្ងៃទី១ ខែតុលា

•ចូលរៀនលើក២៖ ថ្ងៃទី១ ខែមីនា