ប៊ែលធីទំនាក់ទំនង អន្តរជាតិ “BELTEI International Relations” (BELTEI IR) ប៊ែលធី ទំនាក់ទំនងអន្តរជាតិ “BELTEI International Relations”(BELTEI IR) គឺជាផ្នែកមួយនៃប៊ែលធីគ្រុប ដែលបានចាប់ផ្ដើមដំណើរការនៅថ្ងៃទី២៤ ខែមករា ឆ្នាំ២០១០ ដោយឯកឧត្តមបណ្ឌិត លី ឆេង តំណាង រាស្ត្រមណ្ឌល រាជធានីភ្នំពេញ ស្ថាបនិក និងជាអគ្គនាយក ប៊ែលធី គ្រុប។ ក្នុងគោលបំណងស្វែងរកដៃគូធ្វើកិច្ចសហប្រតិបត្តិការលើវិស័យអប់រំ តាមរយៈការចុះអនុស្សរណៈយោគយល់គ្នា(MoU) រវាងប៊ែល ធីគ្រុប និងដៃគូរសហប្រតិបត្តិការជាច្រើនដូចជា : ស្ថាប័នរដ្ឋ និងឯកជន ក្រុមហ៊ុន នានាជាពិសេសសាលារៀននិងសាកលវិទ្យាល័យល្បីៗជុំវិញពិភពលោកដូចជាៈ ចក្រភពអង់គ្លេស សហរដ្ឋអាមេរិក កាណាដា អូស្រ្តាលី ញ៉ូហ្សេឡែន សិង្ហបុរី ចិន ជប៉ុន កូរ៉េ ថៃ ម៉ាឡេស៊ី ឥណ្ឌូនេស៊ី និងផ្សេងៗ។

ប៊ែលធី ទំនាក់ទំនង អន្តរជាតិ មានបម្រើសេវាកម្មធំៗចំនួន ៥ដូចខាងក្រោម៖

១. បញ្ជូនសិស្ស-និស្សិតឆ្នើម ឬសិស្សនិទ្ទេស ”A” ប៊ែលធី ដែលមានសមត្ថភាព និងលទ្ធភាពគ្រប់គ្រាន់អាចទទួលបាន អាហារូបករណ៍ឧកញ៉ា លី ឆេង ទៅសិក្សានៅសាកលវិទ្យាល័យជាដៃគូ នៅក្រៅប្រទេស

២. បញ្ជូនសិស្ស-និស្សិតទូទាំងប្រទេសដែលមានលទ្ធភាពបង់ថ្លៃសិក្សាទៅសិក្សានៅក្រៅប្រទេស

៣. រៀបចំសិស្ស-និស្សិតធ្វើទស្សនកិច្ចសិក្សា ក្នុងនិងក្រៅប្រទេស

៤. រៀបចំកម្មវិធីផ្លាស់ប្តូរសិស្ស-និស្សិត និងចុះកម្មសិក្សាជុំវិញពិភពលោក

៥. រៀបចំឯកសារស្នើរសុំទិដ្ឋាការ និងប្រឹក្សាយោបល់ទៅសិក្សាក្នុង និងក្រៅប្រទេស

បច្ចុប្បន្ន ប៊ែលធី ទំនាក់ទំនងអន្តរជាតិ មានការិយាល័យស្ថិតនៅជាន់ទី៤ នៃសាកលវិទ្យាល័យ ប៊ែលធី អន្តរជាតិ ទីតាំងទី១ ទួលស្លែង៖ អគារលេខ២១ ផ្លូវ៣៦០ សង្កាត់បឹងកេងកង៣ ខណ្ឌបឹងកេងកង រាជធានីភ្នំពេញ (ខាងត្បូង សារមន្ទីរទួលស្លែង ចម្ងាយ ១០០ម៉ែត្រ)។

ប៊ែលធី ទំនាក់ទំនង អន្តរជាតិ បានបញ្ជូន សិស្សប្រឡងជាប់អាហារូបករណ៍ ឧកញ៉ា លី ឆេង ចំនួន ១៣នាក់ទៅសិក្សាថ្នាក់បរិញ្ញាបត្រ នៅវិទ្យាស្ថានEASB នៃប្រទេសសិង្ហបុរី

ប៊ែលធី ទំនាក់ទំនង អន្តរជាតិ បានរៀបចំ ដំណើរទស្សនកិច្ចសិក្សាសិស្សសាលាប៊ែលធីអន្តរជាតិ ទៅវ៉ាស៊ីងតោន សហរដ្ឋអាមេរិក

ប៊ែលធី ទំនាក់ទំនង អន្តរជាតិ បានរៀបចំដំណើរទស្សនកិច្ចសិក្សាសិស្សសាលាប៊ែលធីអន្តរជាតិ សាកលវិទ្យាល័យបាំងកក ប្រទេសថៃ