ឆ្នាំ២០១៨ = ១០នាក់ |
ចាប់ពីថ្ងៃទី ០៥-១៩ ខែឧសភា ឆ្នាំ២០១៨ សិស្សានុសិស្ស១០នាក់នៃសាលាប៊ែលធី អន្តរជាតិបានចូលរួមកម្មវិធីទស្សនកិច្ចសិក្សារយៈពេល២សប្តាហ៍នៅសាកលវិទ្យាល័យ Guilin University of Aerospace Technology ជាលើកទី២។ ទស្សនកិច្ចសិក្សានេះមានគោលបំណងសំខាន់ៗជាច្រើន គឺដើម្បីអោយសិស្សានុសិស្សទាំងអស់ទទួលបានបទពិសោធន៍នៃការរស់នៅដោយឯករាជ្យ ចាកចេញពីទីកន្លែងដែលពោរពេញទៅដោយភាពងាយស្រួល និងផ្លាស់ប្តូរបទពិសោធន៍ ប្រពៃណី ទំនៀមទំលាប់ និងរបៀបរបបរស់នៅជាមួយសិស្សានុសិស្សចិន។ សិស្សានុសិស្សទាំងអស់បានចូលរួមកម្មវិធីផ្លាស់ប្តូរបទពិសោធន៍ជាច្រើនដូចជា សិក្សាអំពីរបៀបរបបឆុងតែបែបប្រពៃណីចិន ហាត់វិជ្ជាការពារខ្លួន (កុងហ៊្វូ) សិក្សាអំពីឧបករណ៍ និងយាន្តដែលប្រទេសចិនប្រើប្រាស់ដើម្បីឡើងទៅឋានអវកាស រៀនសរសេរអក្សរផ្ចង់ និងរៀនភាសាចិនសម្រាប់សន្ទនាប្រចាំថ្ងៃ។ លើសពីនេះទៅទៀត ពួកគាត់បានទៅដល់កន្លែងកម្សាន្តជាច្រើនដូចជា ទួលដែលមានរូបរាងដូចដំរី សួនផ្កាយ៧ ភ្នំយាវ ម៊ែរីលេន និងទន្លេលី។ នៅពេលចប់កម្មវិធី សិស្សទាំងអស់ត្រូវបានផ្តល់វិញ្ញាបណ្ណប័ត្រចូលរួមកម្មវិធី ដែលប្រគល់អោយដោយលោក Zhongguang WANG, សាកលវិទ្យាធិការរងនៃសាកលវិទ្យាល័យ Guilin University of Aerospace Technology. |
ឆ្នាំ២០១៧ = ១០នាក់ |
ការិយាល័យប៊ែលធីទំនាក់ទំនងអន្តរជាតិ បានដឹកនាំសិស្ស-និស្សិតប៊ែលធី ចំនួន ១០រូប ទៅចូលរួមដំណើរទស្សនកិច្ចសិក្សារយៈពេល ១១ ថ្ងៃនៅប្រទេសចិន ចាប់ពីថ្ងៃទី០៣ -១៣ ខែមេសា ឆ្នាំ២០១៧។ តាមរយៈដំណើរទស្សនកិច្ចសិក្សានេះ សិស្ស-និស្សិតមានឱកាសសិក្សាភាសាចិន ការផ្លាស់ប្តូរវប្បធម៌ ការចូលរួមសកម្មភាពកម្សាន្តផ្សេងៗជាច្រើនទៀតជាមួយសិស្ស-និស្សិតនៅ Guilin University of Aerospace and Technology ជាពិសេសគឺ ដំណើរទស្សនកិច្ច ទៅកាន់តំបន់ប្រវត្តិសាស្ត្រល្បីៗ ជាច្រើនទៀតជាមួយសិស្ស-និស្សិតចិន។ |
ប៊ែលធី ទំនាក់ទំនង អន្តរជាតិ បានបញ្ជូន សិស្សប្រឡងជាប់អាហារូបករណ៍ ឧកញ៉ា លី ឆេង ចំនួន ១៣នាក់ទៅសិក្សាថ្នាក់បរិញ្ញាបត្រ នៅវិទ្យាស្ថានEASB នៃប្រទេសសិង្ហបុរី
ប៊ែលធី ទំនាក់ទំនង អន្តរជាតិ បានរៀបចំ ដំណើរទស្សនកិច្ចសិក្សាសិស្សសាលាប៊ែលធីអន្តរជាតិ ទៅវ៉ាស៊ីងតោន សហរដ្ឋអាមេរិក
ប៊ែលធី ទំនាក់ទំនង អន្តរជាតិ បានរៀបចំដំណើរទស្សនកិច្ចសិក្សាសិស្សសាលាប៊ែលធីអន្តរជាតិ សាកលវិទ្យាល័យបាំងកក ប្រទេសថៃ