ឆ្នាំ២០១៩ = ០៩នាក់ |
នាថ្ងៃទី ១០ ដល់ ថ្ងៃទី២២ ខែវិច្ឆិកា ឆ្នាំ២០១៨ ការិយាល័យ ប៊ែលធី ទំនាក់ទំនង អន្តរជាតិ បានដឹកនាំសិស្សានុសិស្សចំនួន ០៩រូប មកពីសាលា ប៊ែលធី អន្តរជាតិ ចូលរួមកម្មវិធីទស្សនកិច្ចសិក្សារយៈពេល ១២ថ្ងៃនៅ San Mateo Colleges of Silicon Valley រដ្ឋកាលីហ្វ័រនីញ៉ា សហរដ្ឋអាមេរិក។ តាមរយៈកម្មវិធីនេះសិស្សានុសិស្ស បង្កើនចំណេះដឹង និងបទពិសោធន៍របស់ពួកគេ ដែលជាផ្នែកមួយនៃសកម្មភាពបន្ថែមលើកម្មវិធីសិក្សា។ ជាពិសេសសិស្សានុសិស្សបានសិក្សាវគ្គ ភាសាអង់គ្លេស និងវប្បធម៌សហរដ្ឋអាមេរិក ដែលរៀបចំដោយ Silicon Valley Intensive English (SVIEP) ក៏ដូចជាការធ្វើដំណើរទៅកាន់តំបន់ Silicon Valley និង San Francisco។ សិស្សានុសិស្សក៏បានជួបជាមួយបុគ្គលិក និងមន្រ្តី ដែលប្រាស្រ័យទាក់ទងជាមួយសិស្ស-និស្សិតអន្តរជាតិ។ លើសពីនេះទៅទៀតពួកគេក៏ជួបជាមួយ សាកលវិទ្យាល័យជាដៃ (CUP) ដើម្បីពិភាក្សាគ្នាអំពីការផ្ទេរការសិក្សា និងការជ្រើសរើសជម្រើសនៃការសិក្សាដែលត្រឹមត្រូវ។ |
ឆ្នាំ២០១៨ = ០៦នាក់ |
នាថ្ងៃទី០៣ ខែឧសភា ដល់ ថ្ងៃទី២០ ខែឧសភា ឆ្នាំ២០១៨ ការិយាល័យ ប៊ែលធី ទំនាក់ទំនង អន្តរជាតិ បានដឹកនាំសិស្សសាលា ប៊ែលធី អន្តរជាតិ ចូលរួមកម្មវិធីសិក្សាភាសាអង់គ្លេសរយៈពេល ២សប្តាហ៍នៅ Edmonds Community College លីនវូត រដ្ឋវ៉ាស៊ីនតោន សហរដ្ឋអាមេរិច។ កម្មវិធីនេះរួមបញ្ចូលភាសាអង់គ្លេសសម្រាប់ការណែនាំអំពីវប្បធម៌សហរដ្ឋអាមេរិច សកម្មភាពនៅជុំវិញតំបន់ស៊ីថល និងសកម្មភាពបន្ថែមជាមួយគ្រួសារម្ចាស់ផ្ទះ។ |
ឆ្នាំ២០១៧ = ២២នាក់ |
ការិយាល័យប៊ែលធីទំនាក់ទំនងអន្តរជាតិ បានបញ្ជូន សិស្សទូទៅដែលមកពីសាលា និសាកលវិទ្យាល័យ ផ្សេងៗចំនួន ១១នាក់ ទៅចូលរួមដំណើរទស្សនកិច្ចសិក្សារយៈពេល ២សប្តាហ៍ ទៅកាន់ Shoreline Community College ទីក្រុងសេអាតល រដ្ឋវ៉ាស៊ីនតោន សហរដ្ឋអាមេរិក ចាប់ពីថ្ងៃទី ០១ ខែតុលា ដល់ ថ្ងៃទី ១៤ ខែតុលា ឆ្នាំ២០១៧។ |
ការិយាល័យប៊ែលធីទំនាក់ទំនងអន្តរជាតិ បានបញ្ជូន សិស្សចំនួន ១១នាក់ និងអ្នកដឹកនាំ១នាក់ទៅចូលរួម កម្មវិធី ប៊ែលធី-សរឡាញ រយៈពេល ២សប្តាហ៍ នៅក្នុង សរឡាញ ខមញូនីធី ខរលីក នាទីក្រុងស៊ីអារត័រ រដ្ឋធានី វ៉ាស៊ីនតោន សហរដ្ឋអាមេរិក ចាប់ពីថ្ងៃទី ៣០ ខែមេសា ដល់ ថ្ងៃទី ១៤ ខែឧសភា ឆ្នាំ២០១៧។ កម្មវិធីនេះ ត្រូវបានសហការរៀបចំឡើងដោយ ការិយាល័យប៊ែលធី ទំនាក់ទំនង អន្តរជាតិ និង សរឡាញ ខមញូនីធី ខរលីក ក្នុងគោលបំណង អោយសិស្សកម្ពុជាអាចរៀនភាសាអង់គ្លេស ទទួលបានបទពិសោធន៍នៃការរស់ជា មួយគ្រួសារថ្មី ចំណេះដឹង វប្បធម៌ថ្មី ជាមួយនឹង សិស្សបរទេស ក៏ដូចជាចូលរួមសកម្មភាពកម្សាន្តផ្សេងៗ ដូចជា៖ ទស្សនា ទីកុ្រងស៊ីអាត័រ ផាយ្យនាស្វ្គែរ ផ្សារ ផែកផ្លេស ស្ពេសនីដល សួន ឈីហ៊ូលី សារៈមន្ទីរ សិល្បៈ ស៊ីអាត័រ ប៊ូអ៊ីង អាកាសចរណ៍ ក្រុមហ៊ុន ម៉ាយក្រូសហ្វ សាកលវិទ្យាល័យ វ៉ាស៊ីនតោន ភ្នំរ៉េនី និង កីឡាប៊េសប៊ល។ |
ឆ្នាំ២០១៦ = ១៧នាក់ |
ការិយាល័យប៊ែលធីទំនាក់ទំនងអន្តរជាតិ បានបញ្ជូនសិស្សចំនួន ១៧រូប ទៅធ្វើទស្សនកិច្ចសិក្សា Junior English Summer Camp រយៈពេល២សប្តាហ៍ នៅរដ្ឋកាលីហ្វ័រញ៉ាសហរដ្ឋអាមេរិក កាលពីថ្ងៃទី២០ ខែសីហា ដល់ ថ្ងៃទី ០៤ កញ្ញា ឆ្នាំ២០១៦។ដំណើរទស្សនកិច្ចសិក្សានេះ គឺបង្កើតឡើងក្នុង គោលបំណងផ្តល់ឱកាសដល់សិក្សានុសិស្សកម្ពុជាគ្រប់រូប ទៅសិក្សាភាសាអង់គ្លេសនៅសហរដ្ឋអាមេរិច ផ្លាស់ប្តូរបទពិសោធន៍ ចំណេះដឹង និង វប្បធម៌ ជាមួយសិស្សនិស្សិតបរទេស និងការចូលរួមសកម្មភាពកំសាន្តផ្សេងៗដើម្បីបង្កើនភាពក្លាហាន ភាពរឹងមាំ និងភាពឈ្លាសវៃផ្នែកបញ្ញា និងស្មារតី។ |
ប៊ែលធី ទំនាក់ទំនង អន្តរជាតិ បានបញ្ជូន សិស្សប្រឡងជាប់អាហារូបករណ៍ ឧកញ៉ា លី ឆេង ចំនួន ១៣នាក់ទៅសិក្សាថ្នាក់បរិញ្ញាបត្រ នៅវិទ្យាស្ថានEASB នៃប្រទេសសិង្ហបុរី
ប៊ែលធី ទំនាក់ទំនង អន្តរជាតិ បានរៀបចំ ដំណើរទស្សនកិច្ចសិក្សាសិស្សសាលាប៊ែលធីអន្តរជាតិ ទៅវ៉ាស៊ីងតោន សហរដ្ឋអាមេរិក
ប៊ែលធី ទំនាក់ទំនង អន្តរជាតិ បានរៀបចំដំណើរទស្សនកិច្ចសិក្សាសិស្សសាលាប៊ែលធីអន្តរជាតិ សាកលវិទ្យាល័យបាំងកក ប្រទេសថៃ