ពិធីចុះហត្ថលេខានៃការបើកដំណើរការមជ្ឈមណ្ឌលប្រឡង

ICDL និង Password នៅវិទ្យាស្ថានប៊ែលធី អន្តរជាតិ

កាលពីព្រឹក ថ្ងៃ ១៣ ខែ វិច្ឆិកា ឆ្នាំ ២០០៩ នៅការិយាល័យកណ្តាល នៃវិទ្យាស្ថាន ប៊ែលធី អន្តរជាតិ(អូរឬស្សី) (BELTEI Head Office) ដែលមានទីតាំងស្ថិតនៅអាគារលេខ ២៥A ផ្លូវ ១០៥ សង្កាត់ បឹងព្រលិតខណ្ឌ ៧មករាមានរៀបចំចុះហត្ថលេខាបើកឲ្យដំណើរការ នូវមជ្ឈមណ្ឌលប្រឡង និងបណ្តុះបណ្តាលកុំព្យូទ័រអន្តរជាតិ ICDL និង មជ្ឈមណ្ឌលប្រឡងភាសាអង់គ្លេសអន្តរជាតិ Password។
តាមរយៈឯកឧត្តមអគ្គនាយក ប៊ែលធី គ្រុប និងធ្វើតេស្តផ្នែកកុំព្យូទ័រ រីឯ Password គឺជា ស្ថាប័នអន្តរជាតិដែលផ្តល់លើសេវាធ្វើតេស្តវាស់ស្ទង់សមត្ថភាពផ្នែកភាសាអង់គ្លេស។ ឯកឧត្តមអគ្គនាយក ក៏បានលើកឡើងអំពីមូលហេតុ និងគោលបំណងចំបងរបស់វិទ្យាស្ថានដែលបានសហការជាមួយស្ថាប័នអន្តរជាតិ និងនាំយកនូវមជ្ឈមណ្ឌលខាងលើមកដាក់នៅប៊ែលធីនេះថាដោយហេតុក្នុងយុគសម័យសាកលភាវូបនីយកម្ម តម្រូវឲ្យមនុស្សយើងម្នាក់ៗត្រូវមានសមត្ថភាព ដែលអាចទទួលស្គាល់ជាសកលបាន ក្នុងនោះសមត្ថភាពជាមូលដ្ឋានគ្រឹះចាំបាច់គឺ ភាសាអង់គ្លេស និងកុំព្យូទ័រ។
ស្របគ្នាផងដែរ នៅក្នុងព្រះរាជាណាចក្រកម្ពុជាយើងបច្ចុប្បន្នមានសាលាជាច្រើនដែលកំពុងធ្វើការបណ្តុះបណ្តាលផ្នែក ភាសាអង់គ្លេស កុំព្យូទ័រ ហើយបើនិយាយពីគុណភាព និងការទទួលស្គាល់វិញយើងអាចនិយាយបានថាវាអាចទទួលយកបានក្នុងប្រទេស តែខ្ញុំមានបំណងចង់ឲ្យគុណភាពអប់រំ និងការទទួលស្គាល់លើការបណ្តុះបណ្តាលលើជំនាញខាងលើមានភាពទូលំទូលាយជាងនេះទៅទៀត ពោលគឺមានការទទួលស្គាល់ជាអន្តរជាតិ។ ក្នុងន័យនេះដោយបានធ្វើការសិក្សាអំពីស្ថាប័នអប់រំអន្តរជាតិដែលមានសក្តានុពល និងមានការទទួលស្គាល់ទូលំទូលាយជាច្រើនអស់រយៈពេលដ៏យូរមក គណៈគ្រប់គ្រងក៏បានជ្រើសរើសយកស្ថាប័នទាំងពីរខាងលើធ្វើជាដៃគូរក្នុង គោលបំណងធំៗពីរគឺៈ

ផ្តល់ជូនអ្នកសិក្សានូវការបណ្តុះបណ្តាល និងការធ្វើតេស្តផ្នែកកុំព្យូទ័រដែលមានកំរិតអន្តរជាតិពិតប្រាកដ
ផ្តល់ឱកាសដល់អ្នកសិក្សាក្នុងការធ្វើតេស្តវាស់ស្ទង់សមត្ថភាពផ្នែកភាសាអង់គ្លេសដើម្បីទទួលស្គាល់ជា អន្តរជាតិ ឯកឧត្តមបានបញ្ជាក់បន្ថែមទៀតថា

បច្ចុប្បន្ន នេះវិទ្យាស្ថានមានផ្តល់សេវាធ្វើតេស្តជាអន្តរជាតិចំនួន៣ (១)-TOEFL ជាតេស្តវាស់ស្ទង់សមត្ថភាពផ្នែកភាសាអង់គ្លស សម្រាប់ការចូលសិក្សានៅថ្នាក់ឧត្តម សិក្សា(តាមប្រព័ន្ធអាមេរិកាំង) (២)-Password ជាតេស្តវាស់ស្ទង់សមត្ថភាពផ្នែកភាសាអង់គ្លសទូទៅ (តាមប្រព័ន្ធប្រទេសអង់គ្លេស) (៣)-ICDL ជាតេស្តវាស់ស្ទង់សមត្ថភាពខាងផ្នែកកុំព្យូទ័រជាអន្តរជាតិ និងបន្ថែមលើសេវាធ្វើតេស្តខាងលើ វិទ្យាស្ថាននៅមានសេវាបញ្ជូនសិស្សទៅសិក្សានៅបរទេសទៀត។

ដោយឡែក និងជាពិសេសចំពោះនិស្សិតប៊ែលធី ដែលរៀនចប់ថ្នាក់ឆ្នាំសិក្សាមូលដ្ឋាន ឬឆ្នាំទី១អាចទៅសិក្សាបន្តនៅឆ្នាំទី២ នៅសាកលវិទ្យាល័យ Regent's College, London នៃប្រទេស អង់គ្លេសតែម្តង។
ជាទីបញ្ចប់ឯកឧត្តមបានគូសបញ្ជាក់ថា វិទ្យាស្ថានតែងតែខិតខំលើកកំពស់គុណភាពអប់រំរបស់ខ្លួន ជាប្រចាំតាមរយៈការធ្វើកំណែទំរង់ឥតឈប់ឈរ ដោយដើរតាមយ៉ាងខ្ជាប់ខ្ជួននូវបាវវចនារបស់ខ្លួនគឺៈ គុណភាព ប្រសិទ្ធភាព ឧត្តមភាព និង សីលធម៌ ដើម្បីធានាបាននូវគុណភាពអប់រំពិតប្រាកដ។

ព្រឹត្តិការណ៍ពិសេស

21/02/2011:ពិធីចុះហត្ថលេខាលើអនុស្សរណៈយោគយល់(MOU) ជាមួយនឹងសាកលវិទ្យាល័យ York Saint John	26/01/2011:ឯកឧត្តមឯកអគ្គរាជទូត Andrew Mace និងឯកឧត្តម ស៊ាន បូរ៉ាត ប្រគល់វិញ្ញាបនបត្រដល់សិស្សប៊ែលធី
06/12/2010:វិទ្យាស្ថានប៊ែលធី អន្តរជាតិ សហការរៀបចំពិធី “ពិព័រណ៍អប់រំថ្នាក់ឧត្តមសិក្សានៃប្រទេសម៉ាឡេស	05/02/2010:ឯកអគ្គរាជទូតចក្រភពអង់គ្លេសប្រចាំនៅកម្ពុជាចែកវិញ្ញាបនបត្រអន្តរជាតិដល់សិស្សប៊ែលធី
09/12/2009:ដំណើរទស្សនកិច្ចរបស់គណៈប្រតិភូអប់រំនៃប្រទេសម៉ាឡេស៊ី ..........	05/11/2009:លទ្ធផលនៃដំណើរទស្សនៈកិច្ចសិក្សារបស់វិទ្យាស្ថាន ប៊ែលធី អន្តរជាតិ នៅប្រទេសអង់គ្លេស