ដំណើរទស្សនកិច្ចរបស់គណៈប្រតិភូអប់រំនៃប្រទេសម៉ាឡេស៊ី

កាលពីថ្ងៃទី ០៩ ខែ ធ្នូ ឆ្នាំ ២០០៩ នៅការិយាល័យកណ្តាលនៃ ប៊ែលធី គ្រុប(អូរឫស្សី) ដែលមានអាសយដ្ឋាននៅអគារលេខ២៥A ផ្លូវលេខ ១០៥ សង្កាត់បឹងព្រលិត ខណ្ឌ៧មករា រាជធានីភ្នំពេញ បានប្រារព្ធពីធីស្វាគមន៍ដំណើរទស្សនកិច្ចរបស់គណៈប្រតិភូអប់រំនៃប្រទេសម៉ាឡេស៊ី។ ពិធីនេះបានប្រារព្ធធ្វើឡើងក្រោមអធិបតីភាពដ៏ខ្ពង់ខ្ពស់របស់ ឯកឧត្តម លី ឆេង ទីប្រឹក្សាអមទីស្តីការគណៈរដ្ឋមន្ត្រី និងជាអគ្គនាយក ប៊ែលធី គ្រុប និងលោក Helmi Sulaiman នាយកមជ្ឈមណ្ឌលផ្សព្វផ្សាយអប់រំម៉ាឡេស៊ី និងជាប្រធានគណៈប្រតិភូអប់រំនៃប្រទេសម៉ាឡេស៊ី (EMEX) ដែលអមដំណើរដោយតំណាងសាកលវិទ្យាល័យចំនួន ៥ រួមមានសាកលវិទ្យាល័យ Kebangsaan Malaysia, សាកលវិទ្យាល័យ MAHSA, សាកលវិទ្យាល័យ Teknologi Malaysia, សាកលវិទ្យាល័យ Nilai, និងសាកលវិទ្យាល័យ Lim kok Wing និងតំណាងក្រុមហ៊ុនចំនួន២ គឺ ក្រុមហ៊ុនZL Kreatif និងក្រុមហ៊ុនMohanokor ដែលមានសមាជិកសរុបចំនួន ១៤នាក់។ ក្នុងពិធីនោះក៏មានការអញ្ជើញចូលរួមពីសំណាក់គណៈគ្រប់គ្រងរបស់វិទ្យាស្ថានប៊ែលធី អន្តរជាតិ រួមមានលោកប្រធានការិយាល័យ អនុប្រធានការិយាល័យ លោកនាយកសាខា នាយករងសាខា លោកគ្រូ-អ្នកគ្រូ និងសិស្ស-និស្សិតប្រមាណជា ៥០០នាក់។
ជាមោទនភាពផងដែរ ដោយមើលឃើញថាវិទ្យាស្ថាន ប៊ែលធី អន្តរជាតិ ជាគ្រឹះស្ថានអប់រំឯកជនមួយដែលមានសក្តានុពលផ្នែកអប់រំឈានមុខគេនៅក្នុងប្រទេសកម្ពុជានោះ គណៈប្រតិភូអប់រំ នៃប្រទេសម៉ាឡេស៊ី បានសំរេចជ្រើសរើសយកវិទ្យាស្ថាន ប៊ែលធី អន្តរជាតិ ធ្វើជាកន្លែងទស្សនកិច្ចអប់រំលើកដំបូងរបស់ខ្លួននៅប្រទេសកម្ពុជា ក្នុងគោលបំណងផ្សព្វផ្សាយអំពីសក្តានុពលនៃប្រព័ន្ធអប់រំរបស់សាកលវិទ្យាល័យនានានៅប្រទេសម៉ាឡេស៊ីដើម្បីទទួលសិស្សពីប្រទេសកម្ពុជាទៅសិក្សានៅប្រទេសម៉ាឡេស៊ី ។
តាមរយៈនៃការប្រារព្ធពិធីនេះគឺបានផ្តល់នូវអត្ថប្រយោជន៍ជាច្រើនដូចជា៖

បង្កើនទំនាក់ទំនងល្អលើវិស័យអប់រំរវាងវិទ្យាស្ថាន ប៊ែលធី អន្តរជាតិ ជាមួយសាកលវិទ្យាល័យនានានៅប្រទេសម៉ាឡេស៊ី។
បង្កើតអោយមានកិច្ចសហប្រតិបត្តិការ ដើម្បីបញ្ជូនសិស្សពីវិទ្យាស្ថាន ប៊ែលធី អន្តរជាតិ ទៅសិក្សានៅសាកលវិទ្យាល័យនានា នៅក្នុងប្រទេសម៉ាឡេស៊ី។
សិស្ស-និស្សិតនឹងទទួលបានការបង់ថ្លៃសិក្សាសមរម្យជាងគេ បើធៀបទៅនឹងតម្លៃសិក្សានៅប្រទេសមួយចំនួនដូចជា ប្រទេសសឹង្ហបូរី ចក្រភពអង់គ្លេស(UK) និងសហរដ្ឋអាមេរិក។
សិស្ស-និស្សិតនឹងទទួលបាននូវការសិក្សាដែលមានគុណភាពខ្ពស់កំរិតអន្តរជាតិ ជាក់ស្តែងមានសិស្ស-និស្សិតបរទេសប្រមាណជាង ៦៥.០០០នាក់ ដែលកំពុងសិក្សានៅប្រទេសម៉ាឡេស៊ី ជាពិសេសគុណភាពកម្មវិធីសិក្សាអប់រំ ត្រូវបានទទួលស្គាល់ដោយគណៈកម្មាធិការទទួលស្គាល់គុណភាពអប់រំនៃម៉ាឡេស៊ី(MQA)។

ពិធីនេះត្រូវបានបញ្ចប់នៅម៉ោង ១១:០០នាទីព្រឹក ថ្ងៃខែឆ្នាំដដែល ហើយជាលទ្ធផលគឺទទួលបានជោគជ័យគួរជាទីមោទនៈ។ យើងសង្ឃឹមថាតាមរយៈនៃការប្រជុំផ្សព្វផ្សាយលើវិស័យអប់រំរបស់ប្រទេសម៉ាឡេស៊ី នៅវិទ្យាស្ថាន ប៊ែលធី អន្តរជាតិ ប្រាកដជានឹងមានសិស្សទៅរៀននៅទីនោះច្រើនទៀតជាមិនខាន។

ព្រឹត្តិការណ៍ពិសេស

21/02/2011:ពិធីចុះហត្ថលេខាលើអនុស្សរណៈយោគយល់(MOU) ជាមួយនឹងសាកលវិទ្យាល័យ York Saint John	26/01/2011:ឯកឧត្តមឯកអគ្គរាជទូត Andrew Mace និងឯកឧត្តម ស៊ាន បូរ៉ាត ប្រគល់វិញ្ញាបនបត្រដល់សិស្សប៊ែលធី
06/12/2010:វិទ្យាស្ថានប៊ែលធី អន្តរជាតិ សហការរៀបចំពិធី “ពិព័រណ៍អប់រំថ្នាក់ឧត្តមសិក្សានៃប្រទេសម៉ាឡេស	05/02/2010:ឯកអគ្គរាជទូតចក្រភពអង់គ្លេសប្រចាំនៅកម្ពុជាចែកវិញ្ញាបនបត្រអន្តរជាតិដល់សិស្សប៊ែលធី
14/11/2009:ពិធីចុះហត្ថលេខានៃការបើកដំណើរការមជ្ឈមណ្ឌលប្រឡង ICDL និង Password	05/11/2009:លទ្ធផលនៃដំណើរទស្សនៈកិច្ចសិក្សារបស់វិទ្យាស្ថាន ប៊ែលធី អន្តរជាតិ នៅប្រទេសអង់គ្លេស