4th BICC 2021
សន្និសីទ កិច្ចសហប្រតិបត្តិការអន្តរជាតិ ប៊ែលធី លើកទី៤ ឆ្នាំ២០២១ ត្រូវបានប្រារព្ធឡើងចាប់ពីថ្ងៃទី០១-០២ ខែកក្កដា ឆ្នាំ២០២១ នៅសាកលវិទ្យាល័យ ប៊ែលធី អន្តរជាតិ សាខាទី១ (ទួលស្លែង) តាមរយៈប្រព័ន្ធវីដេអូ ក្រោមប្រធានបទ “ការរៀបចំសម្រាប់ជីវិតសិក្សានៅបរទេសក្នុងបរិបទជំងឺកូវីដ-១៩” ដោយមានការអញ្ជើញចូលរួមពីសាកលវិទ្យាល័យដៃគូល្បីៗ ចំនួន ៣៥ មកពី ១៤ ប្រទេសជុំវិញពិភពលោក។ សន្និសីទនេះគឺជាវេទិកាអន្តរជាតិសម្រាប់ដៃគូវិស័យអប់រំរបស់យើងដើម្បីផ្តល់ព័ត៌មានល្អៗអំពីគ្រឹះស្ថានពួកគេ និងផ្សព្វផ្សាយពីសមាហរណកម្មវិស័យអប់រំជាសាកល។
សន្និសីទកិច្ចសហប្រតិបត្តិការអន្តរជាតិ ប៊ែលធី លើកទី៤ ឆ្នាំ២០២១ នេះ ត្រូវបានរៀបចំឡើងក្នុងគោលបំណង៖
១-ផ្សព្វផ្សាយអំពីវប្បធម៌ ការរីកចម្រើនលើវិស័យអប់រំ និងសេដ្ឋកិច្ច ក៏ដូចជាវិស័យផ្សេងៗរបស់កម្ពុជាទៅកាន់ពិភពលោក
២-បង្កើន និងពង្រឹងកិច្ចសហប្រតិបត្តិការភាពជាដៃគូជាមួយគ្រឹះស្ថានអប់រំឯកជន និងសាធារណៈទាំងក្នុងប្រទេស និងក្រៅប្រទេស
៣-ផ្សព្វផ្សាយពីគ្រឹះស្ថានដៃគូល្បីៗនៅតាមប្រទេសនានាជូនដល់សិស្ស-និស្សិតកម្ពុជា ជាពិសេសសិស្ស-និស្សិតប៊ែលធី
៤-បង្កើតនូវវេទិកាទំនាក់ទំនងសម្រាប់គ្រឹះស្ថានទាំងអស់ដែលបានចូលរួម
៥-ជំរុញ និងបង្កើនចំនួនសិស្ស-និស្សិតកម្ពុជាទៅសិក្សានៅក្រៅប្រទេសឱ្យបានកាន់តែច្រើន
៦-លើកកម្ពស់កិត្តិនាមរបស់គ្រឹះស្ថានអប់រំទាំងក្នុងប្រទេស ថ្នាក់តំបន់ និងពិភពលោក
៧-ផ្សព្វផ្សាយពីឱកាសទទួលបានអាហារូបករណ៍ជូនដល់សិស្ស-និស្សិតប៊ែលធី ក៏ដូចជាសិស្ស-និស្សិតទូទាំងប្រទេសទៅបន្តការសិក្សានៅបរទេស
៨-ចូលរួមចំណែកអភិវឌ្ឍធនធានមនុស្សនៅកម្ពុជាជាមួយរាជរដ្ឋាភិបាល ដែលមានក្រសួងអប់រំ យុវជន និងកីឡា ជាសេនាធិការ និង
៩-ផ្សព្វផ្សាយ និងបង្កលក្ខណៈងាយស្រួលជូនសិស្ស-និស្សិតកម្ពុជាដែលមានលទ្ធភាពបង់ថ្លៃសិក្សា ហើយចង់ទៅរៀននៅក្រៅប្រទេស អាចទាក់ទងការិយាល័យ ប៊ែលធី ទំនាក់ទំនងអន្តរជាតិ ដើម្បីសាកសួរព័ត៌មាន និងជួយសម្របសម្រួលរៀបចំបែបបទជូនបានយ៉ាងឆាប់រហ័ស។
_____________________________________
 |
 |
 |
 |
 |
 |
 |
 |
 |
 |
